Tafaasiil dheeraad ah ayaa kasoo baxaya qaraxyo 5 gaarayay oo saacadihii lasoo dhaafay ciidamo ka tirsan Shabaabul Mujaahidiin la beegsadeen kolonyo ciidamo saliibiyiin Yugaandhees ah oo kasoo baxay Muqdisho, kuwaas oo lagu beegsaday inta u dhaxeysa deegaannada Laanta Buura iyo No/60.
Qaraxyadan waxaa Allah fadligiis lagu dilay ilaa 4 askari oo Kuffaarta Afrikaanta ah, halka ay sidoo kalena ku dhaawacmeen ilaa 7 askari oo Kuffaarta Yugaandha ka tirsan oo uu ku jira sarkaal miino baare ah, waxay sidoo kale mujaahidiintu gubeen gaari xamuul ah oo qarax uu haleelay.
Dhanka kale, waxay ciidamada Shabaabul Mujaahidiin weerareen Airport-ka degmada Waajid ee wilaayada Bakool, waxaana xilliga weerarka uu dhacayay Airport-ka ka dageysay diyaarad u socotay maleeshiyaadka murtadiinta.
Ilo wareedyo xog-ogaal ah ayaa xaqiijiyay in diyaaradda ay waxyeello gaartay kadib markii rasaasta mujaahidiinta haleeshay, taasi oo keentay inay si degdeg ah kaga duusho garoonka, kolkaas wuxuu qorshuhu ahaa in ay ka degto Airport-ka Muqdisho balse waxyeellada soo gaartay awgeed waxaa si degdeg ah looga dajiyay garoonka magaalada Baydhaba.
