Xilli mandiqadda geeska Africa si wayn uu kaga da’ayo roobabka dayrta ee sannadkan, dadka iyo duunyadana ay si wacan ugu diirsadeen, ayaa dhanka kale dhulka NFD ee ay Kenya xoogga ku haysato waxaa laga soo sheegayaa fatahaado iyo daadad xooggan oo si wayn u samaayeeyay dadka iyo duunyada.
Ururka saliibka Cas ee dowladda Kenya ayaa warbixin uu soo saaray ku sheegay in ugu yaraan 15 ruux ay ku dhinteen daadad xooggan oo kusoo rogmaday qaar ka mid ah ismaamullada ay maamusho Kenya, halkaas oo ay sidoo kale ku barakaceen kumanaan qoysas ah.
Warbixinta ayaa lagu sheegay in daadadkaasi ay halis ku yihiin 47-da ismaamul ee ay ka arrimiso Kenya, kuwaas oo ay ku jiraan NFD iyo Laamu oo ah dhulal ay muslimiintu leeyihiin balse ay xoog ku haysato dowladda saliibiyadda ah ee Kenya.
Daadadka iyo fatahaadaha ayaa sidoo kale dilay xoolo aad u fara badan, sidoo kalena burburiyay ganacsiyo iyo dhul beereed ballaaran, sida uu sheegay Peter Murgor, oo ka mid ah masuuliyiinta dowladda Kenya, xarumaha Schoolada iyo xarumaha kale ee caamka ah ayay sidoo kale saameeyeen daadadka sida uu hadalka u dhigay.
Saamaynta ugu xoogan ee daadadka iyo fatahaadaha ayaa lasoo warinayaa inay ka taagan tahay gobolka ay dowladda Kenya ula baxday gobolka waqooyi bari NFD oo ah dhul Soomaaliyeed balse ay Kenya xoogga ku haysato.
