Wararka ka imaanaya dalka Tanzania ayaa sheegaya in shil xooggan uu ka dhacay deegaan ka tirsan dalkaasi, halkaas oo ay ku dhaawacmeen 16 ka mid ah xubnaha baarlamaanka daaquudka ah ee dalkaasi.
Shilkan oo saaka lasoo tabiyay ayaa u dhaxeeyay gaari bas ah oo siday xildhibaannada iyo mid ka mid ah baabuurta xamuulka qaada, sida ay kusoo waramayso warbaahinta maxalliga ah.
The Citizen oo ah wargays laga leeyahay dalka Tanzania ayaa sheegay in xildhibaannada dhaawacmay ay ku soo wajahnaayeen ismaamulka Mombasa ee dalka Kenya, shilka ayaana si gaar ah kaga dhacay aagga Mbande oo ka tirsan degmada Kongwa ee gobolka Dodoma.
Warsaxaafadeed kasoo baxay baarlamaanka Tanzania ayaa lagu sheegay in qaar ka mid ah xildhibaannada dhaawacmay la geeyay cisbitaallada kala ah Uhuru Hospital iyo Benjamin Mkapa Hospital ee kuyaal Dodoma si loo dabiibo.
Ilo wareedyo maxalli ah ayaa sheegaya in gaariga Buska ah uu ku dhacay gaariga kale ee xamuulka qaada, dhaawacyada guud ayaa ah 19 xubnood, kuwaas oo 16 ka mid ah ay yihiin xildhibaannada Baska la socday.
