Ugu yaraan 17 qof ayaa la xaqiijiyay inay ku dhinteen dibadbaxyada ka socda dalka Kenya, gaar ahaan magaalada Nairobi ee caasimadda waddanka, kuwaas oo looga soo horjeedo dowladda.
Dibadbaxyada oo soo billowday July 12, 2023, ayaa xooggooda ka dhacay magaalada Nairobi, ciidamada booliska oo ka hortagayay dibadbaxyada ka dhanak ah dowladda ayaa rassaasta nool nool iyo sunta dadka ka ilmaysiisa u adeegsaday dadka isku soo baxyada kaga soo horjeeda xukuumadda Nairobi.
Warbaahinta maxalliga ah ayaa sheegtay in dadka meydkooda la helay uu ka mid ahaa Raphael Shigali oo lagu dilay magaalada Nairobi, kaasi oo ciidamada booliska ay ka toogteen qaybaha sare ee jirkiisa.
Xaafadaha isku raranka ah ee Mukuru waxay ciidamada ammaanku ku dileen hal qof, kaddib markii xabad rassaas ah kaga dhufteen xabadka sida ay soo wariyeen dad goobjoogeyaal ah oo ku sugan caasimadda, 2 qof oo kale ayaa la xaqiijiyay in lagu kala dilay xaafadda isku raranta ah ee Majengo iyo garoonka City Stadium ee Nairobi, 4 qof oo kale ayaa lagu toogtay Mlolongo.
Saraakiil ka tirsan ciidamada ammaanka ayaa sheegay in 2 qof kale lagu toogtay xaafadda Kitengela, mid kale ayaa lagu dilay Jidka Juja ee caasimadda Nairobi, halka 2 kale lagu toogtay Kisumu, 2 qof ayaa lagu dilay Sondu, halka 2 kalena lagu kala dilay xaafadaha Migori iyo Makueni ah.
