Shil khasaare kala duwan gaystay ayaa maanta ka dhacay gudaha magaalada Muqdisho, kaas oo u dhaxeeyay gaari kuwa xamuulka qaada iyo mooto bajaaj ay dad la socdeen.
Inta la xaqiijiyay ugu yaraan 2 qof oo shacab ah ayaa ku dhintay shilkan oo si gaar ah kaga dhacay degmada Kaaraan ee caasimadda, waxaana shilkaas sidoo kale ku dhaawacmay qof kale oo shacab ah.
Ilo wareedyo ku sugan goobta ay wax ka dhaceen ayaa xaqiijiyay in shilkaasi gaari uu yimid ka dib markii gaari nooca xamuulka qaada oo siday qalab iyo biro aad u culus uu jiiray mooto bajaaj ay dad saarnaayeen, waxayna dhammaan dadka dhintay la socdeen moota bajaajta.
Magaalada Muqdisho waxa mudooyinkii u dambeeyay aad ugu soo badanayay shilal ka gaari ee ka dhaca gudaha caasimadda, maalin ka hor ayay ahayd markii uu shil gaari oo kan la mid ah uu ka dhacay Tarabuunka oo ka tirsan degmada Hodan, kaas oo sida la sheegay ka dhashay gaari xamuul ah oo jiiray mooto bajaaj, halkaas oo uu ku dhintay ugu yaraan qof.
