Faahfaahinno dheeraad ah ayaa kasoo baxaya khasaaraha dhimasho iyo midka dhaawaca ah ee ka dhashay dagaalkii saaka ay ciidamada mujaahidiintu ku qaadeen saldhigyada Riddada ee deegaanka Masagawaay ee dhacda wilaayada Galgaduud.
Dagaalkan oo ahaa mid aad u xooggan ayay mujaahidiintu cagta ku mariyeen xeryihii murtadiinta ay ka samaysteen deegaanka Masagawaay, waxaana halkaasi ka dhacay xasuuq ba’an oo ay mujaahidiintu u gaysteen ciidankii ku sugnaa deegaanka.
Inta la hubiyay khasaaraha dhimasho waa 13 xubnood oo murtadiin ah oo ay ku jireen 3 abaabule oo macawiisley ah kuwaasi oo kala ah, Cabdulle Geeljire, Cismaan Macalin Axmed iyo Ibraahim Maxamed Cismaan, xubnaha murtadiinta ee ku dhaawacmay howlgalkan waa 7 askari.
Waxay sidoo kale ciidamada mujaahidiintu weerarkaasi kusoo qaniimaysteen 4 gaari oo kala ah gaari Cabdi bile ah oo uu saran yahay qori dhashiiko ah, Gaari uu ku rakiban yahay qori Biiteem ah, Gaari Qooqan ah iyo Gaari nooca raaxada ah.
Dhanka kale waxay ciidanka mujaahidiintu dagaalkan ka dib si buuxda ula wareegeen gacan ku haynta deegaanka Cali Yabaal ee dhaca duleedka degmada Ceeldheer ee wilaayada Galgaduud, kadib markii ay deegaankaasi isaga carareen maleeshiyaadka Riddada.
