Ugu yaraan saddex askari oo ka tirsan ciidamada kuffaarta Afrikaanta gaar ahaan kuwa Yugaandha, ayaa la xaqiijiyay inay ku dhinteen toogasho ka dhacday gudaha xerada Xalane ee magaalada Muqdisho.
Dowladda saliibiyadda Yugaandha ayaa xaqiijisay in askartaasi lagu dilay toogasho ka dhex dhacday gudaha xerada Xalane, weerarkaas oo uu gaystay askari kale oo ka tirsan isla ciidamada Yugaandha.
Wargays kasoo baxa waddanka Uganda oo lagu magacabo new vision ayaa sheegay in toogashadu ay si gaar ah uga dhacday halka loo yaqan Al-jazeera Gate oo qayb ka ah xerada Xalane.
Xukuumadda saliibiyadda ah ee fadhigeedu yahay Kambala oo war kasoo saartay toogashadan ayaa sheegtay in askari weerarka gaystay oo lagu magacaabo Simon Agaba ay xabsiga dhigeen, si wax looga waydiiyo arrimaha ku riixay toogashada.
Askarta saliibiyiinta ah ee toogashada lagu dilay ayay dowladda Yugaandha ku kala sheegtay Christopher Kigongo, Charles Mangwi iyo Charles Akatwongyera, kuwaas oo ka mid ahaa ciidamada saliibiyiinta ee qaybta ka ahaa ciidamada kuffaarta Afrikaanta ee duullaanka ku jooga Soomaaliya.
Toogashadan laga soo tabiyay xerada Xalane oo ah taliska ugu wayn ee saliibiyiintu ku leeyihiin Soomaaliya, ee ay isu gaysteen ciidamada kuffaarta Afrikaanta ayaa ka mid noqonayso toogashooyin badan oo horay looga soo tabiyay Somalia, kuwaas oo badanaa sababa daalka iyo darxumada ay la noolyihiin saliibiyiinta, taas oo keenta in uu nolasha is dhaafsiiyo askariga saliibiga ah.
