Kiisaskii ugu badnaa abid oo durayga Coronaha ayaa saddex sanno ka dib laga soo diiwaan galiyay dalka Shiinaha, Xilli madaxda waddankaasi ay maalmihii dambe ka digayeen halista cusub ee ka dhalan karta xanuunka Karoonaha.
Wasaaradda caafimaadka ee xukuumadda Biijiin ayaa diiwaan soo galisay tirakoob aan caadi ahayn oo kiisas Koroona ah, Iyadoo soo saartay tirakoobka inka badan 30 kun oo la diiwaan galiyay hal maalin oo qura.
Tirakoobkan oo uu soo saaray xafiiska caafimaadka qaranka ayaa lagu sheegay in arbacadii shalay oo kaliya uu xanuunku soo ritay 31,454, oo xaalado cusub ah oo ay ku jiraan 27,517 xaaladood oo ah bukaannadii hore oo afafka qalaadna lagu yiraahdo asymptomatic.
Ma jiro kiisas dhimasho ah oo laga soo diiwaan galiyay waddanka Shiinaha oo ku aaddan xanuunkaan adduunka ku faafay ee loo bixiyay Covid-19, Tani ayaana kusoo beegmayso xilli bartamaha bishii April ee sannadkan 2022-ka inka badan 29,000 oo xaaladaha xanuunkaasi laga diiwaan galiyay magaalada Shangahaay oo ah magaalada saddexaad ee ugu wayn caalamaka kuna taal waddanka Shiinaha.
