Ugu yaraan 1 qof oo Ameerikaan ah ayaa lagu dilay halka tiro intaas ka badanna ay ku dhaawacmeen weerar hubeysan oo toogasho ah, kaas oo laga soo calaamadiyay magaalada ganacsiga ee Maraykanka.
Saraakiisha ciidanka booliska ee New York ayaa sheegay inay baadigoob ugu jiraan soo qabashada nin aad u hubeysan oo toogasho ku dilay 1 qof, halka uu dhaawacyo kala duwan u gaystay 3 kale.
4 qof ayuu talisku sheegay in lagu dhex toogtay hoy ay ka deganaayeen magaalada New York, taliska booliska ayaana tibaaxay in Emmanuel Surrey oo 39 jir ahaa ay xabaddu ka helaashay qaybaha sare ee jirkiisa, waxaana la dhigay xarumaha caafimaadka, balse uu goor dambe u geeriyooday dhaawacii kasoo gaaray weerarka hubeysan.
Nin 40 jir ah ayaa ka mid ahaa dadkii dhaawacmay, kaas oo ay rassaastu kaga dhacday lugta, dhaqaatiirta caafimaadka waxay xaqiijiyeen in bukaankan la dhigay goob caafimaad si loola tacaalo, dhibanaha 3-aad oo ahayd haweenay 27 jir ah, ayaa sidoo kale ku dhaawactay toogashada, taas oo ay dkhaatiirtu xaqiijiyeen inay xaaladdeedu aad u liidato.
Haweeney 33 jir ah ayaa sidoo kale ka mid ahayd xubnihii dhaawacmay, waxaana hawenayda loo qaaday Cisbitaal ku yaal New Jersey sida ay Fox News u xaqiijiyee saraakiisha ciidanka booliska.
