Waxaa ugaarsi ba’an isku haya ciidamada maamulka Yahuudda ee ku daalay dagaalka ay kaga jiraan marinka Gaza, waxaana lasoo saaray tirakoobkii ugu dambeeyay ee isdilka ciidanka gumetstaha.
Channel-ka 12-aad ee Yahuudda ayaa Isniintii maanta shaaciyay in 540 askari oo ka tirsanaa ciidanka gumeystaha ay is toogteen tan iyo markii ay bilowdeen dagaallada dhanka dhulka ah ee marinka Gaza 27-kii Oktoobar.
Xog laga helay ciidanka Yahuudda ayaa dhanka kale muujinaysa in tan iyo bilowgii dagaalka Gaza, la dhaawacay 2,820 askari, kuwaas oo qaarkood dhexdooda is toogtay.
Waxay xogta ciidamada gumeystaha Yahuudda intaas ku dartay in 429 ka mid ah askarta dhaawacyada qaba ay xaaladdoodu tahay mid halis ah, 731 ka mid ahna ay xaaladdoodu tahay mid dhexdhexaad ah.
Ciidanka Yahuudda ayaa markii ay ku fashilmeen duullaanka dhanka dhulka ah, waxay billaabeen inay dhexdooda is toogtaan, horay ayaa loo shaaciyay in askar badan ay nafta is dhaafiyeen, waxaana taas usii dheer xanuunada nafsiga ah iyo qarowga ay ka qaadeen howlgallada fariidnimo ee lagula galay jidadka Gaza.
