Tirada caruurta Falastiiniyiinta ah ee ku shahiidday duqaymaha bahalnimo ee maamulka gumeystaha Yahuudda uu ka wado marinka Gaza ee uu go’doonka geliyay, ayaa gaartay 5,500, sida lagu sheegay warbixin tirakoob ah oo ay soo saareen Falastiiniyiinta.
Warbixintan tirakoobka ah ayaa lagu sheegay in in ka badan 5,000 oo carruur ah, oo ay ku jiraan in ka badan 3,000 oo arday ah ay shahiideen tan iyo markii uu billowday duullaanka wuxuushnimo ee maamulka gumeystaha Yahuuda uu ku qaaday marinka Gaza 7-dii Oktoobar.
Tirakoobkan ayaa sidoo kale lagu sheegay in 1,800 oo carruur ah la la’yahay, kuwaas oo aan xilligan meelna lagu sheegin, waxaa sidoo kale caruurta aan la haynin ka mid ah, kumanaan dhaawacyo qaba iyo boqollaal kale, kuwaas oo guryahooda la burburiyay.
