Faahfaahinno dheeraad ah ayaa laga helayaa kammiin culus oo ciidamada mujaahidiintu saacadihii lasoo dhaafay u dhigeen kolonyo ciidamo ah oo ka tirsan kuffaarta Kenya, kuwaasoo ku socdaalayay duleedka deegaanka War-gaduudo ee hoostaga degmada Ceelqaalow ee gobolka Mandheera.
Dhimashada ciidanka saliibiyiinta Kenya waxay gaartay lix askari, halka dhaawacana uu yahay afar kale oo laba ka mid ah ay xaaladdoodu tahay mid garaab ah, gaari Kooyal ah oo qori uu ku rakibnaa ayaa sidoo kale goobta looga gubay ciidanka Kenya.
Dhanka kale, waxay ciidamada mujaahidiintu dagaal culus oo toos ah ku qaadeen xerada ciidanka saliibiyiinta xabashida Itoobiya ee degmada Garbahaarey, waxaana halkaas ka dhacay dagaal culus oo la isku adeegsaday hubka noocyadiisa kala duwan.
Dhanka Bakool, ciidamada mujaahidiintu waxay dagaal culus ku qaadeen saldhigga maleeshiyada murtadiinta kaga suganyihiin degmada Xudur, jabaqda rassaasta ayaa si wayn looga maqlayay qaybo ka mid ah magaalada Xudur.
