Xaalad feejignaan ah ayaa looga dhawaaqay mandiqadda loo yaqaan bariga dhexe saacado kadib markii weeraro khasaara maaliyadeed dhaliyay lagu qaaday laba kamid ah maraakiibta ganacsiga ee shidaalka ka daabulo dowladaha khaliijka.
Wararka ka imaanaya biyaha kala qeybiya imaaraatka Carabta iyo Iiraan ayaa sheegaya in uu quusay markab lagu magacaabo Coccoca Carides oo uraran dalka Japan balse uu ka babanayo calanka dalka Banama.
Sawirro lagasoo qaaday gacanta Cummaan oo ah goobta ay ku gubteen maraakiibta laweeraray ayaa muujinayay uura madoow oo cirka isku shareertay goobta, dowladda Iiraan ayaa xaqiijisay in lasoo badbaadiyay dhammaan shaqaalihii la socday maraakiibta shidaalka sida ee gubtay.
Markabka kale ee gubtay oo lagu magacaabo Front Alter waxaa leh shirkad ganacsi oo ka diinwaan gashan wadanka Norway waxaana la sheegay in waxyeella xooggan ay gaartay, goobta weerarku ka dhacay ayaa qiyaastii 25 Meyl ujirta biyaha kala qeybiya iiraan iyo Imaaraatka Carabta.
