Xilli uu cirka isku shareeray khilaafka siyaasadeed ee ka aloosan madaxda dowladda federaalka ayuu dhanka kale madaxwaynaha dowladda federaalka Maxamed Cabdullaahi Farmaajo qaaday tallaabo hor leh oo u muuqata xilka qaadis.
Warsaxaafadeed kasoo baxay xafiiska madaxwaynaha dowladda federaalka ninka lagu maacaabo Farmaajo ayaa awoodihii fulineed looga joojiyay Rooble oo ah ra’iisul wasaaraha xukuumadda Ridada ee fahdhigeedu yahay magaalada Muqdisho.
warqoraalka kasoo baxay xafiiska Farmaajo waxaa lagu sheegay in Rooble uu ku tuntay dastuur gaaleedka qaybyo qoraalka ah ee u degsan kooxda sidaas darteed na uu qaatay go’aanka uu awoodaha fulineed kaga joojiyay ra’iisul wasaraaha kooxda Ridada Soomaaliya.
Xafiiska Villa Somalia ayaa Rooble ku eedeeyay in uu baalmaray shaqooyinkii loo igmaday oo ahaa arrimaha doorashooyin gaaleedka xukuumadda iyo sugidda amniga waxaana warka Farmaajo lagu tilmaamay in Rooble uu noqday nin aan wax tacaamul ah la lahayn madaxwaynihiisa isla markaana aysan wax xiriir ah kala dhaxayn xafiiska villa Somalia.
Ilaa iyo hadda ma jiro wax war ah oo kasoo baxay xafiiska Maxamed Xuseen Rooble oo uu kaga hadlayo qoraalka kasoo baxay Villa Somalia waxayna tani u muuqataa mid sii hurinaysa xiisadda siyaasadeed ee Soomaaliya waxaana suuragal ah in ismariwaaga labada hoggaamiye uu sababi karo gacan ka hadal dhexmara labada garab.
Halkan Kala Soco Wararka Deg Dega Ah Ee Website-ka Calamada.
Calamada.com
