Faahfaahinno dheeraad ah ayaa kasoo baxaya qarax culus oo kolonyo ka tirsan ciidamada shisheeyaha Burundi lagula beegsaday deegaan hoos taga degmada Mahadaay ee wilaayada Sh/dhexe.
Qaraxan waxa uu si gaar ah kaga dhacay deegaanka Buurane oo qiyaastii 3Km u jira degmada Mahaaday ee wilaayada Sh/dhexe waxaana qaraxaas lagu gubay mid ka mid ah kolonyada ciidamada Burundi.
Ilo wareedyo masuul ah waxay xaqiijiyeen in qaraxaas gabi ahaanba lagu burburiyay gaari Tow ah oo ay la socdeen ciidamada dowladda Burundi waxaa sidoo kale lasoo wariyay inay jiraan khasaare dhimasho iyo mid dhaawac oo soo gaaray ciidamada shisheeyaha.
Deegaanka Buurane oo kaabiga ku haya degmada Mahadaay waxaa dhowr jeer oo hore ka dhacay qaraxyo culus oo duleedka deegaanka lagula beegsaday ciidamada shisheeyaha gaar ahaan kuwa Burundi kuwaas oo qaarkood gaysta khasaare lixaad leh oo isugu jira burburka gaadiidka gaashaaman iyo khasaare nafeed.
Halkan Kala Soco Wararka Deg Dega Ah Ee Website-ka Calamada.
Calamada.com
