Ciidamada gaarka ah ee xarakada shabaabul Mujaahidiin waxay howlgal gaar ah oo ay ka fuliyeen xaafad ka mid ah magaalada Muqdisho ku dileen mid ka mid ah saraakiisha dowladda federaalka ah ee ka howlgala magaalada Muqdisho ee caasimadda Soomaaliya.
Howlgalkan oo ay fuliyeen rag hubeysan oo ka tirsan shabaabul Mujaahidiin waxa uu si gaar ah kaga dhacay xaafadda Jamhuuriya degmada Kaaraan ee gobolka Banaadir waxayna ciidamada Mujaahidiintu ku dileen sarkaal boolis ah oo ka tirsanaa saraakiisha ciidanka booliska dowladda.
Ilo wareedyo masuul ah waxay xaqiijiyeen in howlgalka lagu dilay sarkaal boolis ah oo lagu magacaabi jiray Maxamed Cabdullaahi oo loo garan ogaa Shiine. waxaana uu ninkan si wayn caan ugu ahaa dhibaataynta dadka muslimiinta ah.
Dhanka kale waxay ciidamada shabaabul Mujaahidiin gaar ahaan guutooyinka qaraxyada qaraxyo culus la beegsadeen kolonyo ka tirsan ciidamada isugu yeeray (Amisom) gaar ahaan kuwa ka socda dowladda cadowga ah ee Yugaandha.
Qaraxyada oo gaarayay labo qarax waxay Mujaahidiintu kolonyada Yugaandheyska ah kula beegsadeen inta u dhaxaysa deegaannada Shalaanbood iyo Danow oo ka tirsan wilaayada Sh/hoose waxayna ilo wareedyo muhiim ah xaqiijiyeen in qaraxyadaas ay ku dhinteen 2 askari oo ka tirsanaa ciidamada Yugaandha iyo dhaawaca 3 kale oo iyana ka mid ah isla ciidamada shisheeye.
Dadka deegaanku waxay xaqiijiyeen in qaraxyada ka dib ay goobta soo caga dhigatay diyaarad nooca kuwa qumaatiga u kaca taas oo goobta ka daabushay bakhtiyada iyo dhaawacyada qaraxyada kasoo gaaray ciidamada dowladda Yugaandha.
Howlgalladan waxay qayb ka yihiin howlgallada jihaadiga ah ee xarakada shabaabul Mujaahidiin sida maalinlaha ah uga fuliyaan deegaannada iyo degmooyinka ay duullaanka ku haystaan ciidamada shisheeye iyo maleeshiyaadka kaba qaadka u ah ee Soomaalida.
Halkan Kala Soco Wararka Deg Dega Ah Ee Website-ka Calamada.
Calamada.com
