Afhayeenka guud ee Xarakada Mujaahidiinta Al-Shabaab, Sheekh Cali Maxamuud Raage (Sheekh Cali Dheere) ayaa ka hadlay dagaalkii cuslaa ee maanta ka dhacay deegaanada Yasooman iyo Beera-Yabaal ee duleedka degmada Buulaburde ee gobolka Hiiraan.
Sheekh Cali Dhere ayaa sheegay in 117 askari oo ka mid ahaa ciidamadii halkaas ku sugnaa lagu dilay dagaalka, isla markaana ay soo ganiimaysteen hub iyo gaadiid dagaal oo casri ah.
“Dagaal qaatay mudo hal saac ku dhow, waxaa mujaahiidiinta Allaah fadligiis u suuragashay iney si buuxda ula wareegaan labadaas xero. Dhimashada hordhaca ah waa 117 murtad, wax dhaawac ah aan xerada uga tagnayna ma jiraan. Waxey mujaahidiinta gacanta ku dhigeen 9 gaari oo ay ku jiraan gaadiidka gaashaaman ee Turkigu siisay dawlada ridada ah” ayuu yiri Sheekh Cali Dhere.
Sheekh Cali Dheere ayaa farriin u diray ciidamada DF iyo maleeshiyaatka macawiislayda ah.
“Waxaan halkaan fariin uga dirayaa ciidamada murtadiinta ah, waxaan leeyahay waxaad xaabo u tihiin dagaal aanan kiina aheyn, waxaad difaac u tihiin cadowga xaqiiqiga ah ee aanu is heyno, waxaad doorateen inaad difaac u noqotaan gaalada dalkeena kusoo duushay. Waxaad ogaataan inaad u dhimanaysaan badalka askar Mareykan, Turki iyo gaalada la magac baxday ATMIS, waxaad tihiin ma liibaanayaal saliibiyiintu ku liibaaneen”
Isagoo hadalkiisa sii wata ayuu yiri: “Ha ku kadsoomina Dal iyo dadbaad wax u qabaneysaan. Waxaad ogaataan inaad Ilaahay la dirireysaan diintiisa in lagu dhaqmana aad diidan tihiin, waxaad is weydiisaan maxaa adiga iyo gaalka Mareykan ah, kan Yugandheyska ah iyo kan itoobiyaanka ah isku saf idin geliyay, oo gacalo idinka dhigay. Waxaad manta heystaan fursada aad Allaah ugu towbad keeneysaan, ee Allaah u towbad keena, intaadan gacanta mujaahidiinta soo gelin. Furimaha waxaa la idiin keenaa si meydadkiina ay isaga soo fogeeyaan, insha’Allaah hantida aad sidataan waxey qaniima u tahay mujaahdiinta.”
Afhayeenka Al-Shabaab, Sheekh Cali Dheere ayaa baaq tawbad-keen ah u diray qof walba ama qabiil walba oo ku sirmay hagardaamooyinka cadawga ummada Soomaaliyeed.
“Waxaan baaq u dirayaa qof kasta oo ku kadsoomay dhagarta cadawga, qabaa’il ama afraad, culimo iyo caamo waxaan ugu baaqeynaa iney Allaah u towbad keenaan, waxaana ummadeena uga digeeynaa in aysan marnaba ku kadsoomin hagardaamooyinka Xasan Sheikh iyo kooxdiisa maleegaayaan. Qofkii af ama adin uga qeyb qaata diin la dirirka uu horkacayo Xasan Sheikh nabad kuma hoyanayo meel kastana waan ku beegsaneynaa”. Ayuu yiri Sheekh Cali Dhere.
Hadalka afhayeenka Xarakada Al-Shabaab aya kusoo aadaya xilli maarna ciidamada Al-Shabaab ay cagta mariyeen saldhigyadii ciidamada DF iyo maleeshiyada Macawiisleyda ee Yasooman iyo Beera-Yabaal. Sidoo kale hadalka Sheekh Cali Dheere ayaa kusoo aadaya xilli masuuliyiinta iyo warbaahinta DF ay sheegeen in afhayeenka lagu dilay dagaal laba isbuuc kahor ka dhacay duleedka degmada Moqokori ee gobolka Hiiraan.
