Hay’adda QM u qaabilsan waxa loogu yeero bani’aadanimada ee loo yaqaan UNHCR ayaa walaac ka muujisay suuragalnimada inay dib usoo noqdaan colaadihii dhowrkii sanno ee lasoo dhaafay ka taagnaa waqooyiga Itoobiya ee u dhaxeysay millatariga dowladda Itoobiya iyo jabhadda hubeysan ee Tigray, xilli uu dhinacyadan dhowaan dalka Konfur Africa dhex maray heshiis aan caga buuran ku taagnayn.
Muxammad Cabdi Afeey oo ah ergayga hayad gaaleedka UNHCR u qaabilsan bariga Africa oo waraysi siinayay mid ka mid ah warbaahinta ayaa carrabka ku dhuftay in haddii ay dhacdo inuu soo laba kacleeyso colaadda gobolka waqooyiga Itoobiya ay sababi karto xaalado halis ah oo dhanka bani’aadantinimada.
Ergaygan oo hadalkiisa sii wata ayaa intaa ku daray in xaaladda gobolka waqooyiga dalka Itoobiya ee dhanka aadanaha ay halis ku jirto isagoo soo jeediyay in laga hortago khatartaasi.
Hayad gaaleedka UNHCR ayaa shaaca qaaday in gobolka ay dagaalladu ka socdaan ee Tigray ay ka diiwaan galiyeen malaayiin barakacayaal ah oo ka firxaday diririta u dhaxaysa dowladda iyo jabhadda hubeysan ee xoraynta dadka Tigreega.
Masuulkan ka tirsan hayad gaaleedka qaramada midobay u qaabilsan geeska Africa ayaa ammaan iyo mahad celin kala dul dhacay dowladda dabadhilifka ee Sucuudiga sida ay door muhiim ah kaga qaadato gargaarka ay u fidiso shucuubta gaalada ah, taas oo uu sheegay inay dowr muhiim ka qaadatay ka shaqeynta xasiloonida dalkaasi.
Dowladaha kale ee caalamka ayuu usoo jeediyay inay qaadaan dhabbaha ay ku socoto dowladda daaqiyadda ah ee Sucuudiga, ee ah taakulaynta shucuubta gobolka si gaar ah gobolka Tigray.
Hadalkan kasoo yeeray hayad gaaleedka qaramada midoobay ayaa kusoo beegmay xilli warbaahinta Tigray ay saacadihii lasoo dhaafay daabacday warar sheegaya in dowladda Elateriya ay gobolka Tigray ka wado abaabul ciidan oo ka dhan ah heshiiskii lagu gaaray Koonfur Africa.
