Shil ka dhashay gaari nooca Bus-ka loo yaqaan ayaa ka dhacay waddo mashquul badan oo kutaal ismaamulka Tharaka Nithi ee waddanka Kenya.
Ugu yaraan saddex qof oo Kenyaan ah ayaa ku dhintay shilkan ka gadaal markii ay qarax samaysay mid ka mida taayerada gaariga Bus-ka. sida laga soo xigtay sargaal ka tirsan ciidanka booliska dowladda saliibiyadda Kenya.
Guddoomiyaha ismaamulka Tharaka Nithi ninka lagu magacabo Alex Mugambi ayaa warbaahinta gudaha Kenya u sheegay in shilka uu ahaa mid argagax leh ayna ku guuldarraysteen inay soo saaraan affar qof oo ku hoos jira burburka gaariga.
“Waxaan aad uga walaacsanahay in 4-ta qof ee ku go’doonsan Baska ay dhintaan sababtoo ah kama aysan jawaabin wicitaannada ,” waxaa sidaas Wargayska Dily Nation u sheegay sargaal ka tirsan ismaamulka uu shilku ka dhacay.
Inta la hubiyay ugu yaraan 36 kale ayaa ku dhaawacmay shilkan wuxuuna kusoo beegmayaa xilli dhowaan tirakoob ay soo saartay hayadda gaadiidka dowladda Kenya lagu sheegay in 17,550 oo qof ay sannadkan gudihii u dhinteen shilalka ka dhacay guud ahaan waddanka Kenya.
