Wararka ka imaanaya dalka Maraykanka ayaa sheegaya in saraakiil ciidan oo ka tirsan booliska Maraykanka, lagu dilay weerar toogasho ah oo ka dhacay deegaan xeebeed dhaca mandiqadda koonfureed ee waddanka Maraykanka.
Wakaaladda wararka ee Associated Press oo soo xiganayso ilo wareedyo amni ayaa sheegtay in weerarka toogashada ah, oo ka dhacay hoteel kuyaal gobolka xeebta ah ee Mississipi lagu dilay labo sargaal oo ka tirsanaa saraakiisha ciidamada Booliska ee dowladda saliibiyadda Maraykanka.
Ilo wareedyada ay soo xigatay wakaaladda waxay intaasi ku dareen in toogashada oo si gaar ah kaga dhacday mid ka mid ah hoteellada kuyaal magaalada Sant Louis ee gobolka Mississipi, sidoo kale lagu dilay qofka weeraryahanka ah oo ahayd haweenay Ameerikaan ah.
“Labo sargaal oo Booliis ah ayay haweenay ku toogatay huteel ku yaala magaalada Sant Louis ee gobolka Mississippi, waxayna boolisku dileen haweenaydii weerarka soo qaaday”, waxaa sidaas lagu yiri qoraal ay laamaha ammaanka kasoo xigatay AP.
Laamaha ammaanka xukuumadda saliibiyada ah ee Washington ayaa sheegay inay wadaan baaritaannada weerarka, wallow uu dalkan caadi ka yahay toogashooyinka ka dhanka ah dadka Ameerikaanka, waxaana bil walba dalkan laga soo calaamadiya tobaneeyo weerar oo ay badanaa gaystaan dadka naftooda ku qamaaray.
