Isku soo baxyo ay dhigeen qaar ka mid ah waalidiinta iyo ehellada maleeshiyaad ay si khasab ah ku askaraysay kooxda Riddada Soomaaliya, ayaa maanta ka dhacay magaalada Muqdisho, kaas oo ay kaga cabanayaan askaraynta ubadkooda ee murtadiinta.
Qaar ka mid ah hooyooyinka oo warbaahinta kula hadlay magaalada Muqdisho ayaa sheegay in ubadkooda, oo sida ay sheegeen qaarkood xanuunsanaya lagu xareeyay xeryaha tabobar, ee ay murtadiintu ku leeyihiin gobolka Banaadir.
Mid ka mid ah hooyooyinka isku soo baxa ka dhigay waddooyinka caasimadda ayaa sheegtay, in iskaba daa in ilmaheeda loo soo celiyo e ay jirdil xooggan kala kulantay maleeshiyaadka murtadiinta.
Kooxda Riddada Soomaliya ayaa looga bartay inay xoog ku askarayso dhalinyarada iyo carruurta Soomaaliyeed, si ay ugula dagaallanto shareecada islaamka, balse waxa dhowr jeer arrimahaasi ka dhiidhiyay ehellada iyo waalidiinta dhalay carruurta ay sida khasabka ah u askarayso kooxda Riddada.
