Xaalad kacsanaan ah ayaa ka taagan magaalada Baydhabo oo xarun ah maamulka Riddada ah ee isku magacaabay Koonfur Galbeed, taas oo salka ku haysa muddo kordhintii uu samaystay murtad Cabdi Casiis Lafta Gareen.
Saraakiil kasoo horjeeda nidaamka Lafta Gareen ayaa magaalada Baydhabo kaga dhawaaqay gole ay ugu yeereen golaha badbaadada Koonfur Galbeed , waxayna sheegeen in ay gacanta maamulkaasi ka badbaadin doonaan murtad Lafta Gareen.
Dhankiisa isagoo ka qayb qaadanayay xaflad uu dhigtay murtad Cabdi Casiis Lafta Gareen madaxa maamulka ashahaada la dirirka ah ee Koonfur Galbeed ayuu ugu jawaabay siyaasyiinta mucarad ah waxuuna sheegay in aysan aqbali doonin golahaasi, isagoo ku tilmaamay siyaasiyiin xanaaqsan.
Dhanka kale warar hoose oo soo baxaya ayaa sheegaya in khilaaf xoogan uu soo kala dhaxgalay madaxa maamulka Riddada Koonfur Galbeed iyo ciidamada xabashida Itoobiya ee ku sugan magaalada Baydhabo. Ilo madax banan ayaana sheegay in khilaafka uu yimid ka dib markii Lafta Gareen uu saraakiisha Itoobiyaanka ah ka dalbaday in ay kala shaqeeyaan muddo kororsiga uu samaystay.
Lama oga halka ay ku biyo shuban doonto xiisaddan siyaasadeed ee ka taagan maamulka Riddada Koonfur Galbeed, siyaasiyiinta mucaaradka ku ah nidaamka murtad Lafta Gareen ayaana ka biya diiddan in ay u hergasho muddo kordhinta.
