Wararka ka imaanaya waddanka Koonfur Afrika ayaa sheegaya in qof dhalinyaro ah oo ka mid ahaa ganacsatada Soomaalida ah ee ganacsiyada u tagay waddankaas, ay kooxo burcad ah ku dileen gudaha dukaankiisa, sida laga soo xigtay Soomaalida dalkaasi.
Cabdulqaadir Qoslaaye oo ahaa wiil dhalinyaro ah, ayaa lasoo sheegay in lagu dhex dilay gudaha dukaankiisa oo kuyaal magaalada Cape Town ee waddankaasi South Africa, waxayna burcaddu sidoo kale dhaawac u gaysteen ganacsade kale oo ka mid ah Soomaalida dalkaas.
Goobjoogeyaal ka aghawaa halka ay dhacdadu ka dhacday ayaa soo sheegay inay kooxdan rassaas xooggan ku fureen dukaanka wiilka Soomaaliga ah, ka dibna uu halkaasi ku geeriyooday Qosaale, halka uu dhaawac soo gaaray Muxiyadiin Xuseen Gacal.
Wararku waxay intaasi ku darayaan in maydka wiilka dhalinyarada ah iyo dhaawaca midka kale ay goobta meheradda ah ka qaadeen, jaaliyadda Soomaalida ee iyaguna ganacsiyada ku leh waddankankaas, oo ah mid ay halistiisu badan tahay.
Booliska dowladda saliibiyadda Koonfur Afrika ayaa sida looga bartay sheegay inay samayn doonaan baaritaannada dhacdadan, balse ah mid ay isaga leexinayo ra’yul caaamka bulshada, iyadoo booliskuba lagu eedeeyo inuu qayb ka yahay tuugada dadka ku dhaca Koonfur Africa.
Dadka Soomaalida ah ee ku dhaqan waddankaas ayaa si gaar ah bartilmaameed ugu ah burcadda Koonfur Afrikaanku, waxayna dhowr jeer sheegeen in aan wax tallaabo ah laga qaadin dadka burcadda, maadaama aysan kala saari karin midka wax dhacaya iyo dowladdda.
Maalmo uun ka hor ahayd markii kooxo burcad Koonfur Afrikaan ah ay u dhaceen meherad gacnasi, oo uu gobolka North West kulahaa nin dhalinyaro ah, ka dibna ay dileen wiilkaas dhalinyarada ah oo la oran jiray Cismaan Maadeey Maxamed.
