Wararka ka imaanaya magaalada Malindi ee ismaamulka Kilifi ee waddanka Kenya ayaa sheegaya in qof wade ka ahaa mooto bajaaj lagu dilay toogasho bareer ah oo uu fuliyay askari ka tirsanaa ciidamada saliibiyiinta Kenya.
Warbaahinta maxalliga ah ee waddanka Kenya ayaa soo sheegtay in qofka la dilay uu si bareer ah u dilay askari ka tirsan ciidanka Kenya, ka dib markii askariga uu ka biya diiday lacago uu kulahaa qofka la dilay.
Dadka deegaanka ayaa sheegay in askariga inta uusan dilka gaysan uu u tagay mid ka mid ah wadeyaasha mootooyin bajaajta, ka dibna uu waydiistay in uu qaado.
Dadka deegaanka oo dhacdadan warbaahinta la wadaagay ayaa sidoo kale sheegay in marka uu askarigu gaaray halkii uu doonayay uu diiday bixinta lacagihii uu mootada kusoo raacay, taas oo keentay in uu dil ugu daro wadaha mooto bajaajta.
Ehellada qofkan Kenyaanka ah oo warbaahinta la hadlay ayaa sheegay inaysan jirin wax caddaalad ah, iyagoo dowlada saliibiyada ah ee Kenya ka socday inay samayso baaritaanno dheeraad ah oo ku aaddan sababta ka dambeysay dilka wiilkooda.
Kenya waxa dhowr jeer oo hore lagaga soo tabiyay dhacdooyin dil ah oo ay ku kacaan ciidamada dowladda Kenya, tan ayaan qayb ka ah dilalka aalaaba ka dhaca gudaha waddankaaasi Kenya.
