Wararka ka imaanaya magaalada Muqdisho ayaa sheegaya in maanta markale ay kooxda Riddada Soomaaliya xiratay waddooyinka caasimadda, xilli dadka shacabka ah ay ku dhibayihiin xirnaanshiyaha waddooyinka.
Wararku waxay sheegayaan in mar kaliya maanta lagu soo baraarugay maleeshiyaadka Riddada, gaar ahaan kuwa ilaalada ka haya madaxtooyada Riddada oo lasoo dhoobay waddooyinka caasimadda, isla markaana watay gaadiidka dagaalka waxaana la arkayay iyagoo hakinaya dhaqdhaqaaqa dadka iyo midka gaadiidka, waxayna arrintan aad u saameysay dadka shacabka ah ee ku dhaqan magaalada Muqdisho.
Waddooyinka maleeshiyaadka lagu soo daadiyay waxaa ka mid ah waddada wayn ee Makka Al-mukarama iyo tan tarabuunka, halkaas oo ay murtadiintu dadka ku dhibayeen.
Sababta ay murtadiintu u xireen waddooyinka ayaa lagu sheegay in murtad Xassan Garguurte uu la kulmi doono maleeshiyaad murtadiin ah oo dhowaan laga keenay dalka Elatareiya, balse tallaabadan ayaa saameysay dadka reer Muqdisho.
Maalmo ka hor ayay ahayd markii waddooyinka dhulka iyo midka cirka loo xiray wufuud ka kala socotay dowladaha Itoobiya Kenya iyo Jabuuti waxaana wafdigaas ka mid ahaa murtad Ismaaciil Cumar Geelle.
