Isku dhacyo hubeysan oo xalay ka dhacay magaalada Laa-caanood ee xarunta Sool una dhaxeeyay maleshiyaadka maamulka ashahaada la dirirka ah ee Somaliland iyo maleeshiyaad hubeysan oo dadka deegaanka ah, ayaa sababay in magaalada ay isaga baxaan maleeshiyaadka maamulka Somaliland.
Ilo wareed dhanka deegaanka ah ayaa soo sheegay in dagaallo xooggan oo xalay magaaladaasi lagula galay maleeshiyaadka maamulka murtad Muuse Biixi, ka dib ay guud ahaan isaga carareen magaalada.
Jugta madaafiicda iyo jabaqda rassaasta ee ay dhinacyadu isu adeegsanayeen ayaa si wayn looga maqlayay magaalada iyo hareeraheda, taas oo ugu dambayn keentay in magaaladaasi ay faarujiyaan maleeshiyaadka maamulka ashahaada la dirirka ah ee isku magacaabay Somaliland.
Maleeshiyaadka ashahaada la dirirka ah ayaa la sheegay inay gaareen deegaanka Gooja cadde oo qiyaas ahaan 4Km dhanka waqooyi bari kaga beegan magaalada Laascaanood, sida laga soo xigtay ilo wareed dhanka deegaanka ah, halkaas oo ay saldhig ciidan ku leeyihiin maleeshiyaadka Riddada Somaliland.
Markii ay maleeshiyaadkaan xalay isaga baxeen magaalada Laas-caanood waxaa la arkayay dibadbaxayaasha oo isugu soo baxay bartamaha magaalada, walow uu weli gaabis ku jiro adeegyada isgaarsiinta ee magaalada.
Waxaa suuragal ah in markale ay soo rogaal celiyaan maleeshiyaadka maamulka uu fadhigiisu yahay Hargaysa, maadaama ay magaalada u jiraan 4Km oo qura, ayna magaalada ku suganyihiin maleeshiyaadkii ay magaaladaasi ku dagaallameen.
