Mujaahidiinta Ansaaru shareeca ee ka howlgala waddanka Yeman ayaa shaaciyay tirada iyo magacyada saraakiisha ciidan iyo maleshiyaadka murtazaqada Imaaraadka Carabta ee lagu dilay camaliyaadka loogu magac daray Sihaamul Xaqi, ee ka dhanka ah maleeshiyaadka ay ku adeegato xukuumadda Riddada ah ee Abu Dubaay.
Taqriirkan oo Infographic ahaan loo soo saaray ayaa lagu soo bandhigay howlgallada jihaadiga ee dhacay 120 cisho iyo khasaaraha howlgalladaasi lagu dhaxalsiiyay maleeshiyaadka Xizaamul Amni, oo ah maleeshiyaad dabadhilifyo ah oo lagu soo tabobaro waddanka Imaaraadka Carabta.
Tirakoobka ay soo saareen Mujaahidiinta waxaa lagu sheegay in howlgallada qaraxyada minooyinka ee dhacay 120 cisho ay ahaayeen inka badan 40 qarax, halka weerarrada tooska ah uuna ahaa hal weerar, kuwaas oo ay dhimasho iyo dhaawac ku noqdeen boqollaal isugu jira dhimasho iyo dhawac.
Intii ay howlgalladan socdeen waxay Mujaahidiintu ku dileen 100 xubnood oo isugu jira saraakiil ciidan iyo askar fara badan oo murtadiin ah, kuwaas oo ku xiran dowladda Imaaraadka carabta, halka sidoo kale ay ku dhaawacmeen inka badan 110 kale, saraakiisha ciidan ee camaliyaadkaan lagu dilay waxaa ka mid ahaa 4 sarkaal oo ka mid ah kuwa dhibaatooyinka ugu xooggan ka gaysan jiray waddanka Yeman.
Saraakiisha 120-ka cisho lagu dilay camaliyaadkan fariidka ah waxaa ka mid ahaa sarkaal ashahaada la dirir ah oo la oran jiray Yasir Shaa’ic oo ahaa taliyaha Guutada koowaad Ururkeeda koowaad ee waxay ugu yeeraan la dagaallanka Argagixisada, Cali Al-mixwari oo ahaa Taliyaha howlgalka katiibada saddexaad ee Ururka 1-aad, Nabiil Al-dhaami oo ku magacownaa kornaylka haystay maleeshiyaadka ay ugu yeeraan la dagaallanka Argagaxisada, Saalim Al-jabwaani oo aha taliyaha katiibada 8-aad Ururkeeda koowaad ee difaaca Shabwa, Jalaal Al-jaabiri oo ahaa sarkaal iyo Naadir Al-nasri oo ahaa taliyaha howlgallada deg dega ah.
Waxaa sidoo kale tirakoobka ku jira illaa 4 sarkaal oo ka mida murtazaqada Imaraadka , kuwaas oo ku dhaawacmay howlgallada jihaadiga ah ee loogu magac daray Sihaamul Xaqi, waxaana saraakiisha ka mid ahaa Camiid Al-radfaani, Khadar Ximsaan, Diyaan Al-shabxi iyo Fahad Al-marfadi, dhammaan saraakiishaan cidan iyo askartan ayaana lagu dilay laguna dhaawacay camaliyaadka Sihaamul Xaqi ee ka kala dhacay gobollada Shabwa iyo Ma’rib.
Tani waxay ka dhigan tahay in muddo 4 bilood ah oo ay Mujaahidiinta Ansaaru shareecah wadeen camaliyaadkooda jihaadiga ah ee loogu magac daray Sihaamul Xaqi, ku dileen inka badan 100 askari oo ay saraakiil sar sare ku jiraan, halka dhawacuna ka badan yahay 110 askari oo ay saraakiil ciidan ku jiraan.
