Muratd Cali Jayte Cismaan oo ah guddoomiyaha Riddada ugu magacaaban gobolka Hiiraan, wadankana isaga cararay markii uu dagaal geliyey atbaacdiisa ayaa isagoo ilimadu indhihiisa ku taagan tahay tacsi kasoo diray waddanka Uganda, kadib hallaagii ba’naa ee shaley Galcad loogu geystay maleeshiyaatkii iyo saraakiishii muhiimka ahaa ee xulifadiisa.
Murtadkan ayaa shalay xaflad ku dhiganayey Uganda xilli maleeshiyadii iyo saraakiishii garbihiisa taagnaa lagu xasuuqayey Galcad, waxaana hadal uu halkaas ka jeediyey ku sheegay in weeraradii u dambeeyay ee Mujaahidiinta ay ku waayeen saraakiil muhiim u ahaa Riddada oo lagu laayay camaliyaadka ka dhanka ah maleeshiyaadka sida habqanka ah loo soo galiyay dagaalka ka dhanka ah shareecada islaamka.
Cali Jayte ayaa si gaar ah uga tacsiyeeyay saraakiishii iyo maleeshiyaadkii Riddada ee shalay Allaah fadligii lagu xasuuqay howlgalkii ay Mujaahidiintu cagta ku mariyeen xerada maleeshiyaadka murtadiinta ee degmada Galcad, isagoo si gaar ah uga tacsiyeeyay halaagga murtad Xassan Tuure oo ahaa taliye ku xigeenkii guud ee maleeshiyaadka ashahaada la dirirka ah ee ay soo carbisay dowlada saliibiyadda Maraykanka ee Baangaraafta iyo saraakiil kale oo ku baxay dagaalladii Xawaadeey iyo Juxaay ee wilaayada Sh/dhexe.
Murtad Cali Jeyte oo horey dadkiisa dagaal u geliyey ayaa hadda ku sugan dalka Uganda halkaas oo uu u rartay reerihiisa kadib markii uu ogaaday inuu yahay dambiile bartilmaameed u ah Mujaahidiinta, islamarkaana aanu jirin meel uu uga badbaadi karo weerarada Mujaahidiinta maadama la burburiyey madaxtooyadii baladweyne ee uu ku shaqeyn jiray, sidoo kalena la beegsaday degmooyinka Maxaas, Jalalaqsi iyo Buulaburte oo uu rajo ka qabay inuu kaga badbaado weerarada Mujaahidiinta.
Cadowga Allaah ee kusoo duulay wilaayaadka dhaca bartamaha Soomaaliya ayaa hadda quus iyo qoomamo ka jooga duullaankii ashahaada la dirirnimo ee uu kusoo qaaday dhulka lagu maamulo shareecada Islaamka, waxaana weerarkii shalay ka dhacay Galcad uu cadowga gaarsiiyey fariin kale oo ah in aysan marna u suuragali doonin inay carqaladeeyaan ku dhaqanka shareecada Islaamka intaba ay joogaan halyeeyo naftooda u huraya koryeelidda diintooda.
