Diyaaradaha Mareykanka Oo Duqeyn Ku Dilay Dad Beeraley Ah Oo Caruur Ku Jiraan+Magacyo.

January 30, 2023

Khasaara lixaad leh ayaa dad shacab ah kasoo gaaray duqeymo hor leh oo diyaaradaha dowladaha shisheeye ay ka geysteen Koonfurta Soomaaliya.

Diyaaradaha duuliye la’aanta ah ee dowlada Mareykanka ayaa gelinkii dambe ee maanta deegaanka Quracley ee hoostaga degmada Jalalalaqsi ee gobalka Hiiraan ku duqeysay dad shacab ah oo isugu jira beeraley iyo xoolo dhaqato.

7 wiil dhalinyaro ah oo ay ku jiraan 4 wiil oo isla dhalatay oo geed hoostiisa ku wada sheekeysanayay ayey diyaaradu gantaal ku dhufatay gabi ahaan todobada wiil isla goobta ayey ku dhinteen.

Wiilasha diyaadaradaha Mareykanka duqeynta ku dileen ayaa xilligaas kasoo laabtay beero iyo xoolo daajis oo saaka ay ku kalaheen iyagoo daallan ayey geedka hoos fadhiisteen si ay ugu nastaan uguna sheekeystaan.

Halkan Hoose Ka Akhriso Magacyada Iyo Da’da Wiilasha Diyaaradaha Mareykanka Duqeynta Ku Dileen.

1-Cabdi llaahi Maxamuud Ciise oo 14 sano jir ah

2-Axmed Maxamed Nuur oo 20 sano jir ah.

3-Cumar Maxamed Abuukar oo 18 sano jir ah.

4-Cabdi Qaadir Maxamed Nuur oo 18 sano jir ah.

5-Qeys Maxamed Nuur oo 8 sano jir.

6-Axmed Khadar Ibraahiim Cusmaan oo 13 sano jir ah.

7-Casir Xasan Cabdi oo 14 sano jir ah.