Warsaxaafadeed muhiim ah oo goordhow kasoo baxay xafiiska warfaafinta ee Mujaahidiinta ayaa lagu faah-faahiyay howlgalka Inqimaasi ah ee ka socda degmada Cabdcasiis ee Muqdisho, kaas oo lagu beegsaday dhisme qarsoodi ah oo maleeshiyaadka Macaawiisleyda Riddada ay kaga sugnaayeen Muqdisho.
Qoraalka kasoo baxay Mujaahidiinta waxaa lagu sheegay in howlgalkan lagu beegsaday xarun qarsoodi ah oo askarta loogu yeero Macawiisleyda Riddada Hiiraan ay kaga sugnaayeen gudaha degmada Cabdcasiis ee Muqdisho. waxayna Mujaahidiintu xaqiijiyeen in xogta horudhaca ah ee khasaaraha uu yahay dhimashada 70 xubnood oo murtadiin ah.
Hoos Ka Akhriso Bayyaanka Mujaahidiinta.
01 Shacbaan 1444H (21 Febraayo 2023) – Ciidamada Mujaahidiintu waxay maanta oo Talaado ah hawlgal qorshaysan ka fuliyeen xarun qarsoodi ah oo uu cadawgu ku leeyahay degmada Cabdicasiis ee Magaalada Muqdisho. Hawlgalka oo billowday saacadu markii ay ahayd 14:45 duhurnimo ayay ciidamada gaarka ah ee Mujaahidiintu ku beegsadeen xarunta bartilmaadeedka ahayd taas oo ay degaanaayeen saraakiil iyo horjoogayaal murtadiin ah oo ku lug leh dagaalka ashahaado la dirirka ah ee uu cadawgu ka wado Wilaayada Hiiraan.
Xarunta la beegsaday ayaa waxay sidoo kale ahayd goobta ugu weyn ee la keeno maleeshiyaatka ridada ah ee loogu yeero macawiisleyda ee ku soo dhaawacma dagaallada ashahaado la dirirka ah ee uu cadawgu ka wado wilaayada Hiiraan.
Ciidamada Mujaahidiinta waxay – Allaah fadligiis – gacanta ku dhigeen guud ahaan dhismaha, waxay halkaas ku dileen in ka badan 70 kamid ah murtadiinta loogu yeero macawiisleyda ee halkaas dhaawacyadooda lagula tacaalayey, kuwaas oo isugu jira saraakiil iyo maleeshiyaad. Hawlgalka ay Mujaahidiintu ka fuliyeen degmada Cabdicasiis ee Muqdisho wuxuu markale xaqiijinayaaa in aysan jrin, jirina doonin -Allaah idankiis- xarun ama goob ay cadawgu kaga dhuuman karaan cadaalada Islaamka, isla markaana gacanta dheer ee Mujaahidiintu ay soo gaari doonto goor ay ahaataba Insha-Allaah.
Xarakada Mujaahidiinta Al-Shabaab waxay u dagaallameysa dhawritaanka badqabka Ummadda Muslimka ah, hirgelinta Shareecada Islaamka iyo inay dhamaan dhulalka Muslimiinta ah ka xoreyso gaalada iyo murtadiinta dabadhilifka u ah. Xarakada Mujaahidiinta Al-Shabaab waxay mar kale ku celinaysaa dalabkii ahaa in dadka Muslimiinta ah ay ka dheeraadaan saldhigyada, xarumaha iyo xafiisyada cadawgu ku leeyihiin degmooyinka iyo deegaanada ay xoogga uga haystaan ummada Soomaaliyeed ee Muslimka ah.
Waxay Xarakada Mujaahidiinta Al-Shabaab ballan ku qaaddeysaa inay sii wadi doonto Jihaadka ka dhanka ah isbahaysiga caalamiga ah ee saliibiyiinta iyo dabadhilifyadooda murtadiinta ah ilaa ay geyiga Soomaaliyeed ka saareyso cadowga hororka ah ee ku soo duuley, iyo illaa diinta dhamaanteed ay Allaah keliya u sugnaaneyso.
Halkan Ka Degso Bayyaanka Oo Dhamaytiran.
