Guutada qaraxyada mujaahidiinta ee ka howlgala wilaayada jubbooyinka waxay howlgal qorsheysan oo qarax ah ka fuliyeen guri ay ku sugnaayeen maleeshiyaad ka tirsan maamulka Riddada ah ee isku magacaabay Jubbaland. kaas oo kuyaal magaalada Kismaayo.
Qaraxa oo ahaa mid xooggan jugtiisana laga maqlay qaybo ka mid ah xaafadaha magaalada Kismaayo ayaa si gaar ah kaga dhacay xaafadda Siinaay, waxaana guriga la qarxiyay deganaa maleeshiyaad ka tirsanaa sirdoonka maamulka ashahaada la dirirka ah ee Jubbland, waxaana la xaqiijiyay in uu jiro khasaare xooggan oo qaraxaasi ka dhashay.
Dhanka kale faahfaahin ayaa laga helayaa weerar saacadihii lasoo dhaafay ay mujaahidiintu ku qaadeen fariisinka maleeshiyaadka Riddada ay kaga suganyihiin halka loo yaqaano Labada garas ee duleedka magaalada Kismaayo.
Dhinaceeda kale madaafiicdii lagu garaacay saldhigga maleeshiyaadkii murtadiinta ee deegaanka Buulo Gaduud ee duleedka magaalada Kismaayo waxaa ku dhaawacmay 2 askari oo murtadiin ah 1 gaari oo xerada ciidan dhex yiilay na waxyeello xooggan ayaa gaartay.
Dhanka Diinsoorna khasaare kala duwan ayaa ka dhashay weerar abaabulan oo ay mujaahidiintu Kaantarool ciidan oo ay maleeshiyaadka Riddada ka ilaaliyaan xerada ciidamada xabashida Itoobiya ka deganyihiin degmada Diinsoor. weerarka oo ahaa mid culus ayaa markii dambe kusii fiday xerada ciidanka xabashida ka dib markii maleeshiyaadka Riddada ah lala dhaafay Controlka. waxaana inta la xaqiijiyay dhaawac ah 3 askari oo Itoobiyaan ah iyo 1 askari oo murtad ah.
