Ciidamada guutada qaraxyada mujaahidiinta ee ka howlgala caasimada waxay qaraxyo dhowr ah ka fuliyeen gudaha magaalada Muqdisho, kuwaas oo lagu weeraray maleeshiyaadka Riddada ee dhowaan laga keenay waddanka Uganda kuwaas oo uu madaxa kooxda Riddada Soomaaliya sheegay in uu ku wareejiyay amniga Muqdisho.
Mid ka mid ah qaraxyada oo ka dhacay degmada Kaxda waxay mujaahidiintu ku beegsadeen gaari Cabdibile ah oo ay wateen maleeshiyaad murtadiin ah oo dhowaan laga keenay Uganda, waxaana inta la hubiyay qaraxaasi lagu dilay 8 askari oo ka mid ahaa maleeshiyadii la socotay gaariga oo uu ka mid ahaa sarkaal taliye horin ah oo lagu magacaabi jiray (Maalin) halka sidoo kale lagu dhaawacay 3 askari, gaariga qaraxa lala eegtay oo ahaa gaari C/Bile ahna goobta ayuu ku burburay.
Sidoo kale waxay ciidanka mujaahidiintu qaraxyo is xig-xigay oo labo ah si wayna jugtooda looga maqlay xaafado ka tirsan Muqdisho ku beegsadeen baro kaantarool oo ay ku sugnaayeen maleeshiyaadkii dhowaan laga keenay Uganda ee uu dhowaan Xasan Garguurte sheegay in uu ku wareejiyay amniga Muqdisho, qaraxa koowaad oo ahaa mid culus ayaana ka dhacay bar control oo ay maleeshiyaadkaasi kaga sugnaayeen isgoyska Banaadir ee degmada Hodan.
Qaraxa labaad oo ahaa mid culus waxay mujaahidiintu ku weerareen bar control oo isla maleeshiyaadkaasi Riddada ah ay kaga sugnaayeen xaafadda Shaqaalaha ee isla degmada Hodan, si rasmi ah looma bixin faahfaahin ku aaddan khasaaraha ka dhashay qaraxyadan oo ahaa kuwa culus oo laga maqlay qaybo ka mid ah Muqdisho.
Isla wilaayada Banaadir waxay ciidamada mujaahidiintu qarax kale oo xooggan ku weerareen maleeshiyaad ka tirsan jawaasiista Riddada gaar ahaan qeybta dharcadka kuwaasi oo ku sugnaa suuqa Bakaaraha, ma jiro faahfaahin dheeri ah oo laga bixiyay qaraxan.
Qarax kale oo ciidamada mujaahidiintu ka fuliyeen deegaanka Ceelwareegow ee ka tirsa wilaayada Sh/hoose waxay mujaahidiintu la eegteen maleeshiyaadka ka tirsan murtadiinta oo lugeeynayey, waxaana ka dhashay khasaaro kala duwan oo isugu jira dhimasho iyo dhaawac.
