Wazaaradda gaashaandhigga dowladda saliibiyadda Yugaandha ayaa warsaxaafadeed rasmi ah kasoo saartay duullaankii ciidanka badan looga laayay ee shalay ka dhacay degmada Buulo-mareer ee dhacda wilaayada Sh/hoose.
Waraxaafadeedka wazaaradda difaaca ee xukuumadda Kampala ayaa sheegay in wazaaraddu cambaaraynayso weerarka iyo xasuuqa ba’an ee ay mujaahidiintu shalay kala duldhaceen ciidamada saliibiyiinta Yugaandha ee ku sugnaa saldhigga, iyagoo tilmaamay inay aad uga murugoodeen howlgalkan millatari ee lagu xasuuqay ciidankooda.
Wazaaradda gaashaandhigga dowladda Uganda waxay sidoo kale sheegtay in dhacdadan ay u magacaabeen taliyaha ciidanka dhulka ee xukuumadda Kampala Jeneralka lagu magacaabo Kayanja Muhanga, sarkaalkan iyo koox kale oo uu hoggaaminayo ayay wazaaraddu sheegtay inay Soomaaliya usoo direen si ay u qiimeeyaan khasaaraha iyo sida uu u dhacay weerarka.
Shacabka Yugaandha oo aad uga argagaxay khasaaraha baaxadda leh ee howlgalkan misena sheegayay in xasuuq aan horay loo arag uu qabsaday ciidamadooda ku sugan Soomaaliya, ayay wazaaraddu ugu baaqday inay is dajiyaan.
