Magaalada Garoowe ee xarunta u ah maamul goboleedka ashahaada la dirirka ah ee isku magacaabay Puntland, waxaa maanta ka taagan xiisad colaadeed, oo u dhaxaysa dhinacyada isku haya doorashooyinka gaaleedka madaxtinimo ee maamulkaas.
Dadka ku dhaqan magaalada Garoowe, waxay saaka ku waabariisteen maleeshiyaad hubeysan oo isku hor fadhiya gudaha magaalada, kaddib markii maleeshiyo ku xiran siyaasiyiinta mucaaradka ku ah maamulka Riddada ah ee Siciid Deni oo ku sugnaa duleedka Garrowe, ay gudaha usoo galeen magaalada.
Maleeshiyaadkan ayaa lasoo wariyay inay jidgooyooyin dhigteen qaybo ka mid ah xaafadaha magaalada xarun goboleedka Nugaal, halka maleeshiyaadka Denina ay sameeyeen dhaqdhaqaaq ciidan oo aad u xoogan.
Ilo wareedyadu waxay intaas ku darayaan, in rassaas culus laga maqlayay gudaha magaalada Garoowe, rassaasta ugu xooggan ayaa kasoo dhacaysay dhanka ay magaaladaas kaga suganyihiin siyaasiyiinta mucaaradka ku ah maamulka Deni, iyadoo wararka qaar ay sheegayaan in hub culus uu kusoo dhacay aagga xarunta looga arriimiyo maamulka ay ugu yeeraan Puntland.
