Wararka ka imaanayaa dhulka Somaligalbeed ayaa sheegaya in dab xooggan uu burburiyay suuqii ugu weynaa ee ay lahaayeen shacabka Somaaligalbeed.
Dab aad uxooggan ayaa xalay fiidkii ka kacay suuqa magaalada Jigjiga waxaana gubtay dhammaan qeybaha kala duwan ee suuqa.
Goob joogayaal ayaa sheegay in dabku uu baabi’iyay kumanaan dukaan, waxaana bas beelay dhammaan qeybaha uu suuqa Jigjiga ka koobnaa.
Ma jirin wax gurmad dab demis ah oo dowladda Xabashida Itoobiya ay ufidisay suuqa Jigjiga, arrinkaas oo sababay in dabku uu ku faafo dhammaan qeybaha kala duwan ee suuqa.
Lacago boqolaal milyan oo dollar ah ayaa la rumeysanyahay in ay ku gubatay suuqii ugu weynaa dhulka Soomaaligalbeed.
