Ciidamada Shabaabul Mujaahidiin ee ka howlgala wilaayada Bakool waxay maanta weerar xooggan oo kammiin ah u dhigeen ciidamada saliibiyiinta xabashida oo kasoo baxay saldhigga wayn ee ay ku leeyihiin Waajid oo ka tirsan Bakool, kuwaasi oo ilaalo ka hayay diyaarad uga soo dagaysay garoonka diyaaradaha ee degmadaas, weerarka kammiinka ah ayaana isku badal dagaal culus oo toos ah, halkaas oo khasaare xooggan lagu dhaxalsiiyay saliibiyiinta.
Goobta uu kammiinku ka dhacay waxaa la xaqiijiyay in xabashidu ay kaga carareen bakhtiga 8 askari oo Itoobiyaan ah, waxayna mujaahidiintu Allaah fadligii soo qaniimeysteen hub iyo agabyo kala duwan oo ay ka carareen ciidanka xabashida.
Dhanka kale weerar dhabba-gal ah oo maanta ka dhacay duleedka degaanka Xawaadley ee wilaayada Sh/Dhexe ayay ciidamo ka tirsan mujaahidiinta u dhigeen kolonyo isugu jiray ciidamada saliibiyiinta Burundi iyo maleeshiyaadka murtadiinta, waxaana halkaas saliibiyiinta iyo murtadiinta lagu gaarsiiyay khasaare kala duwan.
Inta la xaqiijiyay waxay mujaahidiintu weerarkaasi jidgalka ah ku dileen saddex askari oo 2 ka mid ah ay murtadiin ahaayeen, halka midka kalena uu ahaa askari Burundees ah, waxaa sidoo kale weerarkaan jidgalka ah ee ka dhacay duleedka deegaanka Xawaadley ku dhaawacmay askari murtad ah iyo sarkaalkii watay ciidanka Burundi ee maanta lagu weeraray duleedka Xawaadley, kaas oo la xaqiijiyay in dhaawiciisu yahay mid halis ah.
