Taliyaha maleeshiyaadka murtadiinta murtadka lagu magacaabo Ibraahim Sh Muxiyadiin ayaa sheegay in waxay ugu yeeraan dawladaha safka hore ee la filayay inay ka qayb qaataan gulufka shareeca la diriirka ah ee lagu soo qaaday wilaayaadka islaamiga ah ay iska diideen inay dagaalka qayb ka noqdaan, sidaasna uu ku fashilmay waxay ugu yeeraan wajiga labaad ee dagaalka ay filayeen inay qaadaan .
Isagoo sii hadlayay ayuu sheegay in dawladaha Itoobiya, Kenya iyo Jabuuti waqtigii ay qabsadeen la dhaafay, imikana aysan wax dhaqdhaqaaq ah samaynin sida inay ciidamo cusub keenaan Soomaaliya.
Hadalka murtadkan kasoo yeeray ayaa imanaya iyadoo kooxda Riddada Soomaaliya ay bilooyinkii lasoo dhaafay ku faanaysay in dagallka ay kula jirto Xarakada Mujaahidiinta Al-Shabab ay qayb ka noqon doonaan waxay ugu yeertay ciidamo ka socda dawladaha ay ugu yeertay safka hore, balse taasi ayaan hadda muuqaan..
Dhanka kale Murtad Maxamuud Sayid Aadan oo ah ku xigeenka madaxa maamulka Riddada ah ee Jubbaland ayaa dhankiisa xaqiijiyay in uu fashilmay qorshihii dawladaha loogu yeero safka hore ay kaga qayb qaadanlahaayeen gulufka shareeca ladiriirka ah ee socda.
Isagoo sii hadlayay ayuu sheegay murtadkan in saldhigyada ay banneeyaan ciidanka ATMIS bisha soo socota aan loo haynin ciidamadii buuxin lahaa, sida maamullada Koonfur Galbeed iyo Jubaland isagoo inta ku daray mujaahidiinta ay dib u qabsadeen saldhigyadii ay banneeyeen ciidamada saliibiyiinta ah ee dalka laga saaray bishii Juun ee aanu soo dhaafnay.
