Dagaallo culus oo lagu jabiyay maleeshiyaadka murtadiinta ayaa maanta ka dhacay deegaanka Ceel Wacarri oo ah deegaan u dhaxeeya Gal-qoryaale iyo Ceel-meegaag ee Wilaayada Galguduud, halkaas oo khasaare culus lagu gaarsiiyay maleeshiyaadka Riddada.
Maleeshiyaadka murtadiinta oo kasoo dhaqaaqay degmada Dhuusamareeb ayaa dagaal culus kaddib dib ugu laabtay halkii ay ka yimaadeen ka gadaal markii ay la kulmeen khasaare baaxad leh oo isugu jira dhimasho iyo dhaawac.
Dhanka kale illaa 3 qarax ayaa maanta lala beegsaday maleeshiyaad murtadiin ah oo ku sugnaa degmada Wabxo ee wilaayada Galgaduud, qaraxyadan waxaa inta la xaqiijiyay ku dhintay 4 askari oo murtadiin ah, halka ay sidoo kale ku dhaawacmeen 9 kale.
Howlgal kale oo qarax ah ayaa duleedka degmada Guriceel lagula beegsaday maleeshiyaad murtadiin ah, waxaana inta la hubiyay ku dhaawacmay tiro ka mid ah maleeshiyaadkii murtadiinta ee qaraxaasi lala eegtay.
