Daadad xoogan oo ku dhuftay bariga dalka Liibiya ayaa sababay dhimashada kumannaan qof, halka nolal iyo geeri lagu la’ayay kumannaan kale, sida ay soo sheegeen dhakhaatiirta caafimaadka.
Magaalada Derna wararka ka imaanaya waxay sheegayaan in daadad xooggan oo ka dhashay fatahaad ku dhufatay magaaladaasi ay sababeen dhimashada inka badan 2500 oo xubnood.
Wasiirka caafimaadka Liibiya Cismaan Cabdiljaliil ayaa mar sii horraysay sheegay in khasaaraha horudhaca ah ee ay xaqiijiyeen uu muujinayo dhimashada inka badan 2,000 oo xubnood, kuwaasi oo ku dhintay magaalada Derna oo keliya.
Cabdul Jaliil ayaa sidoo kale xusay in kumannaan kale lagu la’yahy daadadka iyo togagga kusoo fatahay magaalada Derna, waxaana uu intaasi ku daray in fatahaada magaaladaasi ka dhacday ay sabab u tahay burburka 2 biya-xireen, kuwaas oo sababay inay jabiyaan 4 biriij, kaddibna ay biyaha sidaas ugu fatahaan magaalada.
Dadka reer Liibiya ayaa fatahaada ay sameeyeen biyo xireennadaasi ku tilmaamay masiibadii ugu weynayd nooceeda ah ee uu waddanku la kulmo muddo 40 sano ah, sawirro iyo muuqaallo laga soo qaaday magaalada ayaa muujinaya burburka baaxadda leh ee ka dhashay fatahaadda.
Hoos Ka Daawo Sawirrada.
