Waxaa maalintii saddexaad galay howlgalka Duufaanta Al-aqsaa ee ay ku dhawaaqeen kooxaha wax iska caabinta Falastiiniyiinta, khasaaraha Yahuudda kasoo gaaray howlgalkan lixaadka leh ayaana kor u dhaafaya 1,000 xubnood.
Iska hor’imaadyada waxay xooggoodu ka socdaan magaalada Sadiiroot oo ka mid ah magaalooyinka xoogga lagu dajiyay Yahuuda, warbaahinta maamulkaas ayaa soo sheegtay in maleeshiyaadkooda dagaallo xooggan lagula galay 7 illaa 8 goob oo ka mid ah deegaannada ku xeeran Ghaza.
Idaacadda rasmiga ah ee Yahuudda ayaa dhankeeda sheegtay in saddex aag oo ka kala tirsan deegaannada Calomim, Nirim iyo Sadiiroot dagaallo lagula galay Yahuudda, gantaallada aadka u dheereeya ee kooxaha wax iska caabinta ayaa barbar socday howlgalka tooska ah, kuwaas oo beegsanayay magaalooyinka xoogga lagu dajiyay dadka Yahuudda.
Dhanka kale shuhadada Falastiiniyiinta ee ku baxay duqaymaha Yahuudda ee Gazza ayaa gaartay 436 muslimiin ah, oo ay ku jiraan 91 caruur ah iyo 61 kale oo haween ah, halka ay dhaawacmeen 2,271 falastiiniyiin ah, kuwaas oo ay ku jiraan 244 carruur ah iyo 151 kale oo haween ah.
Muuqaallo iyo sawirro lagu baahiyay Internet-ka ayaa muujinayay dab iyo holac ka baxaya magaalada Casqalaan, halkaas oo ay kooxaha muqaawamadu madaafiic aan kala joogsi lahayn ku garaacdeen.
Control kuyaal waqooyiga magaalada barakaysan ee Qudus ayaa weerar lagula beegsaday maleeshiyaad Yahuud ah, kooxaha wax iska caabinta Falastiiniyiinta ah ayaana wada howlgalka Duufaanta Al-aqsaa, xilli Yahuuddu dhankeeda ay duqaymo bahalnimo ah ka gaysanayso Gaza.
