Isbahaysiga ciidamada kuffaarta Afrikaanta ah ee duullaanka ku jooga Soomaaliya ayaa caddeeyay mowqifkiisa ku aaddan dagaalka u dhaxeeya Falastiiniyiinta iyo maamulka gumeystaha Yahuudda.
Maxamed Al-Amiin Suweef oo ah wakiilka Midowga gaalada Afrika u qaabilsan Somalia ayaa sheegay in maamulka Yahuudda uu xaq u leeyahay inuu is difaaco, isagoo Yahuudda gummaadaysa shacabka reer Falastiin u arkaya inay yihiin kuwa naftooda difaacanaya.
Isagoo sii hadlayay ayuu dowladaha reergalbeedka ku dhaliilay in ay ka gaabiyeen taageerida ay u fidiyeen ciidamada kuffaarta Afrikaanta ee duullaanka ku jooga Soomaaliya iyo xataa tan kooxda Riddada ah, isagoo isbarbardhig yaab leh ku sameeyay taageeradii Yahuuddu ka heshay Mareykanka iyo xulufada Yurub iyo taageerada ay reergalbeedku siiyaan dowladda Riddada ah ee Xasan Gurguurte iyo xulufadooda kuffaarta Afrikaanta ah.
“Israa’iil waa dowlad weyn xaq ayayna u leedahay in ay is difaacdo basle waxa dhimanaya waa shacab rayid ah” ayuu yiri Maxamed Al-Amiin Suweef.
Dhanka kale waxa uu wakiilka midowga gaalada Africa ee Soomaaliya codsaday in taageerada u Mareykanku siinayo Yahuudda uu taageero taas la mid ah siiyo kooxda Riddada Soomaaliya ” Waxa ka dhacaya Israa’iil ee u dhaxeeya Xamaas iyo Israa’iil islamarkiiba Mareykanka iyo reergalbeedka hub iyo taageero kale ayay siiyeen hadda soomaaliya culeys ayaa ka haysta dhanka hubka waa in cuna qabateynta laga qaadaa” ayuu hadalkiisa sii raaciyay.
Maxamed Al-Amiin Suweef ayaa dhanka kale sheegay in ciidamadii saddexda kun gaarayay ee bishii September dib loo dhigay, Soomaaliya laga saari doono bisha December ee soo socota, isagoona walaac ka muujiyay diyaar garoow la’aanta ka muuqata xukuumadda Riddada ah.
