Maamulka gumeystaha Yahuudda ee lagu jabiyay howlgalka Duufaanta Al-aqsaa ayaa caawa duqayn wuxuushnimo ah oo uu ka gaystay Cisbitaal kuyaal marinka Gaza ku xasuuqay boqolaal Falastiiniyiin ah oo isugu jiray bukaano iyo dad deegaan ka dhigtay Cisbitaalka, kaddib markii ay gantaallada Yahuuddu kaga soo baxeen guryahooda.
Ilo wareedyada caafimaad ee Gaza ayaa xaqiijiyay in tirada dadka ku shahiiday duqaynta bahalnimo ee Yahuudda ay la beegsatay cisbitaalka Gaza ay gaartay 600 oo shuhado ah, kuwaas oo u badan haween iyo carruur.
Afhayeen u hadlay wazaaradda Caafimaadka ee Gaza ayaa sheegay in cisbitaalladu aysan dabooli karin baahiyaha bukaannada isagoo xusay inaysan jirin meel nabad ah oo ka mid ah cisbitaalka.
Maamulka Yahuudda ayaa dhankiisa ku faanay xasuuqa wuxuushnimada ah ee uu kula kacay dadka abriyada ah ee Falastiiniyiinta, isagoo marmarsiiyo ka dhigtay in uu horay digniin u siiyay maamulka cisbitaalkan iyo shan cisbitaal oo kale.
