Waxaa marba marka ka dambeysa sii kordhaya khasaaraha dhimasho iyo midka dhaawac ee maleeshiyaadka Yahuudda lagu gaarsiiyay dagaallo culus oo saacadihii lasoo dhaafay ka dhacay marinka Gaza.
Warbaahinta maamulka Yahuudda ayaa sheegtay in tirada ciidanka Yahuudda ee lagu dlay dagaalladii dhulka ee ay ku qaadeen Gaza shalay ilaa maanta ay kor u dhaafeen ilaa 15 askari, taas oo tirada guud ee maleeshiyaadka Yahuudda laga dilay ka dhigaysa 330 askari.
Kanaalka 13-aad ee leeyihiin Yahuudda ayaa qoraal uu daabacay ku yiri: “ 13 askari ayaa la dilay, intii lagu guda jiray dagaallo xooggan oo ay ciidanku la galeen kooxaha muqaawamada oo ka dhacay marinka Qaza.”
“Askarta dhimatay waxaa ka mid ahaa 11 xubnood oo ka tirsan Guutada Givati, kuwaas oo lagu dilay gantaal lidka Taangiyada ah oo ku dhacay gaari Taangi ah.” ayuu hadalkiisa raaciyay.
Ugu yaraan laba askari oo ka tirsan ciidanka guutada 7-aad ee Yahuudda ayuu kanaalku sheegay in iyagana lagu dilay hiwlgal qarax miino ah oo lala beegsaday.
