Roobab lixaad leh oo dadka iyo duunyada ku diirsadeen ayaa saacadihii lasoo dhaafay ka da’ay magaalada Gaalkacyo ee xarunta gobolka Mudug, kaasi oo sababay khasaare hantiyeed iyo barakac xooggan oo ay sameeyeen dadka ku dhaqan magaaladaasi.
Roobabka oo ahaa kuwa aad u xooggan ayaa sababay inay biyo xad dhaaf ah kusoo rogmadaan xaafadaha degmada Gaalkacyo, dadka qaar waxay sheegeen inay mar qura ka warheleen biyo badan oo guryahooda usoo galay, xilli ay hurdayeen
Sawirro iyo muuqaallo la sheegay in laga soo qaaday magaalada ayaa muujinayay burbur baaxad leh oo soo gaaray qaar ka mid ah guryaha magaalada iyo biyaha oo dhex ceegaaga xaafadaha iyo laamiyada magaalada, qoysas aad u fara badan ayaana ku barakacay roobabkii ka da’ay Gaalkacyo, dadka ugu badan ee daadadkaasi ay saamaynta ku yeesheen ayaana ahaa dadka danta yar.
Hoos Ka Daawo Sawirrada.
