Inta la xaqiijiyay ugu yaraan shan qof ayaa ku dhintay shil xooggan oo ka dhacay waddo mashquul badan oo isku xirta magaalooyinka Nayroobi iyo Nukuru oo ka tirsan dalkaasi Kenya.
Saraakiil ka tirsan booliska ayaa xaqiijiyay in shanta qof ay isla goobta ku dhinteen, ka dib markii gaariga shilka galay uu koontaroolka lumiyay, waxaana halkaasi ku dhaawacmay lix xubnood oo kale.
Dad goobjoogeyaal ah ayaa warbaahinta maxalliga ah u sheegay in 6-da xubnood oo dhaawacyadoodu yihiin kuwa halis ah, la geeyay cisbitaalka degmada Gilgil.
Taliyaha ciidamada booliska ee ismaamulka Gilgil ayaa sheegay in laba ka mid ah dadka dhintay ay lugeynayay waddada uu shilka ka dhacay, halka saddexda kalena ay ahaayeen dadkii gaariga la socday, Meydadka dadka dhintay ayaa sidoo kale la geeyay qolka meydadka lagu keydiyo ee cisbitaalka Gilgil.
