Channelka wararka ee Al-kataa’ib ayaa caawa baahiyay muuqaal kale oo lagu soo bandhigay gurmad isugu jira dawo iyo lacago ay hay’adda Al-ixsaan Al-khayriyah u fidisay dadka fatahaaduhu saameeyeen ee ku dhaqan deegaan hoos-taga degmada Kamsuuma oo ka mid ah magaalooyinka ay sida wayn u saameeyeen fatahaadaha.
Muuqaalka Kataa’ib waxaa lagu daawanayaa jamciyadda Al-ixsaan oo degaanka Burgaan gurmad isugu jira lacag iyo mid caafimaad ugu samaynaya dadka fatahaaduhu saameeyeen, waxaana gurmadkaasi ka faa’ideystay qoysas badan oo ay saamayn ku yeesheen fatahaadaha uu sameeyay wabiga Jubba.
