Magaalada Hargaysa ee xarunta gobolka waqooyi galbeed ee Soomaaliya waxaa saacadihii lasoo dhaafay ka dhacay isku dhacyo hubeysan oo laba dhinac ah, kuwaas oo mid ka mid ah uu u dhaxeeyay maleeshiyo ka tirsan maamulka isku magacaabay Soomaaliland, halka midka labaadna uu u dhaxeeyay dad shacab ah iyo maleeshiyaadka waxay ugu yeeraan millatariga.
Dagaalka koowaad ayaa ka dhacay buurta Naasa-hablood ee Hargaysa, saraakiil u hadashay maamulka ayaa sheegay in halkaasi ay ku dagaalameen dad shacab ah oo sheeganayay in xoog kaga haystaan maleeshiyaadka millatariga iyo maleeshiyaadka Riddada maamulkaasi, waxaana halkaasi lagu dilay hal askari halka kuwa kalena lagu dhaawacay.
Sidoo kale iska hor’imaadka labaad ayaa u dhaxeeyay maleeshiyaad ka wada tirsan booliska Riddada Somaliland iyo kuwa millatariga, saraakiisha maamulkaas ayaana sheegay in iska hor’imaadka labadooda ciidan dhexmaray ay isaga dileen ugu yaraan saddex askari oo labada dhinac ah, askar kalena ay isaga dhaawaceen.
Xubnihii murtadiinta ee saacadihii lasoo lagu dilay iska hor’imaadyada ka dhacay Hargaysa, gaar ahaan aagga Naas-hablood waxaa ka mid ahaa sarkaal ka tirsanaa maamulka ashahaada la dirirka ah ee Soomaaliland, tirada guud ee dadka shacabka iyo askarta ku dhimatay dagaalladii ka dhacay Hargaysa ayaa lagu sheegay shan xubnood.
