Dagaallo culus oo dhowr jeer la isku noq-noqday laguna jabiyay maleeshiyaadka murtadiinta Danab ee sida gaarka ah u hoostaga saliibiyiinta Maraykanka ayaa ka dhacay duleedka magaalada Kismaayo ee Jubbooyinka, kuwaas oo dhanka hawada sare ay ka taageerayeen diyaaradaha saliibiyiintu.
Goobta lagu dagaallamay waxaa si buuxda gacanta ugu haya oo ku sugan ciidamada mujaahidiinta, waxaana Allaah fadligiis maleeshiyaadkii Riddada Danab ee weerarka soo qaaday ay magaalada Kismaayo dib ugu laabteen iyaga oo dhabarka ku sita bakhtiyo iyo dhaawacyo ay ka jiiteen jiidaha dagaalka, waxayna caawa Kismaayo ku hoyanayaan iyagoo guuldarrooyinka dhabarka ku wata.
Dhanka kale, faahfaahinno dheeraad ah ayaa kasoo baxaya dagaallo dhowr jeer lagu jabiyay maleeshiyaadka Ridada oo ka dhacay duleedka deegaanka Cammaara ee wilaayada Mudug, khasaaraha dhimasho ayaa gaaray 11 askari oo lagu dilay goobta dagaalka, halka dhaawacana uu intaasi ka badan yahay.
Sidoo kale waxay ciidamada mujaahidiinta Allaah fadligiis dagaalladii maanta ku gubeen gaari nooca towga ah oo ay wateen maleeshiyaadka murtadiinta Gorgor, waxay sidoo kale mujaahidiintu soo qaniimeysteen 10 qori oo laga soo furtay murtadiinta.
Ilo wareedyo xog-ogaal ah ayaa dhanka kale sheegay in maydad iyo dhaawacyo hor leh oo askarta murtadiinta ah ay daadsanyihiin howdka deegaanka uu dagaalku ka dhacay.
