Kooxda Riddada Somalia ayaa markale dayn cusub ka saxiixatay waxa loogu yeero hay’adda lacagta Adduunka ee magaceeda loo soo gaabiyo IMF, xilli dhowaan xukuumadda Riddada ay u dabaal-dagaysay in laga cafiyay qaan ay ku sheegatay hayaddaasi.
IMF ayaa warbixin ay soo saartay ku sheegtay in kooxda Riddada ay u oggolaatay in ay qaadato lacag dayn ah oo gaaraysa 100 milyan oo dollar, taasi oo ay sheegtay in lagu horumarinayo hayadaha Ridada, kuwaas oo markii hore ay deeq ahaan u siin jireen, balse markan dayn ahaan lagu siin doono.
Guddiga sare ee hayadda I.M.F ayaa sheegay in lacagtan dhan boqolka milyan ee Dollar ay ku bixin doonaan muddo saddex sannadood ah, oo aysan jiri doonin inay hal mar lacagtaasi ku wareejiyaan madaxda kooxda Ridada Somalia.
Lacagtan cusub ee loo saxiixay xukuumadda Riddada ee fadhigeedu yahay Muqdisho ayaa imaanaysa, xilli madaxda murtadiinta ay aad u danaynayeen inay helaan lacago xad-dhaaf ah oo dayn ahaan ay uga heleen sanduuqan, balse warbixinta IMF kasoo baxday ee lagu qeexay in lacagtan ay ku bixin doonaan muddo saddex sano ah ayaa ka dhigan mid aysan ku aaminayn gacanta madaxda xukuumadda Riddada, lacagta ay toos uga dhacayso guddiga, ayna iyagu sidaas ku maamulayaan.
