Madaxa kooxda Riddada Somalia, murtad Xassan Gurguurte ayaa maanta jeediyay khudbad ay ka muuqatay isku dhex yaac badan, taas oo uu kaga hadlay go’aankii nasaarada Itoobiya lagu siiyay xeebaha Soomaaliya.
Murtadkan ayaa jeediyay khudbad dheer oo aan wax macno ah lahayn mana uusan sheegin tallaabo diblumaasiyadeed oo ay qaaday dowladdiisa, taas oo ka dhan ah xabashida, maadaama uu ka mid ahaa madaxdii murtadiinta ee heshiiskaan kusoo karkariyay dalka Jabuuti.
Murtad Xassan Gurguurte ayaa taase badalkeeda xabashida usoo jeediyay inay heli kartay wadiiqooyin kale oo ay ku boobi karto xeebaha Soomaaliya, isagoo muujiyay inay Itoobiya la doonayeen qorsheyaal kale oo lagu dhagrayo umadda muslimka ah ee Soomaaliyeed, si xabashida loogu gacan galiyo khayraadkooda.
Sidoo kale murtad Xasan Gurguurte ayaa intii uu hadal jeedinta ku jiray sheegay in tallaabadaasi Itoobiya lagu siiyay xeebaha Somalia ay fursad u tahay Mujaahidiinta, isagoo tilmaamay in bulshada Somaaliyeed ay haleeli doonaan halganka ka dhanka ah saliibiyiinta ee ay hoggaanka u hayaan mujaahidiinta.
